Magni Christiansen er 50 ár, føddur í Tórshavn, uppvaksin og búsitandi í Vestmanna 

Magni er best kendur sum kontri tónleikari og sangari. Hann hevur givið 8 heildarútgávur út, og tann 9. kemur eftir ætlan út í summar. Í sendingini hoyra vit eitt lag av komandi útgávuni. 

Umframt at velja tónleikin í sendingini greiðir Magni frá síni familju og frá uppvøkstrinum í Vestmanna. 

Í sínum vaksna lívið hevur Magni starvast mest sum stuðul og hjálpari hjá bæði børnum og vaksnum. Millum annað hevur hann arbeitt á barnaheimi í Føroyum og í Danmark og á Eiragarði í Havn. Seinastu fýra árini hevur Magni starvast sum hjálparfólk í barnagarðinum Áarlon í Kvívík. 

Í sendingini verður eisini prátað um fleiri upplivingar og hendingar, ið hava myndað hansara áhugaverdu tónleikaligu yrkisleið. 

Eyðfinn Jensen er vertur.