Hetta er skráin fyri sendingina, ið send varð beinleiðis úr Mentanarhúsinum Salt á Tvøroyri mikukvøldið 24. november 2021. Eisini varð sendingin stroymd á salt.fo/live og youtuberásini hjá Salt;
Símum Berg og Poul Laust Christiansen tóku sær av tí.

Eyðun Nolsøe bjóðar seks sangir og rættiiga tíðliga í sendingini spælir hann sín fyrsta.

Borgarstjórarnir á Tvøroyri og í Vági, Kristin Michelsen og Bjarni Johansen, greiða frá sínum kommunum og tankum um Suðuroynna.

Sally Perez Poulsen, dansilærari, tosar um sítt lív og leiðir okkum út á gólvið til ein latín-amerikanskan dans við tónleiki eftir Marc Anthony (dansurin kann síggjast á salt.fo/live og youtuberásini hjá Salt, har sendingin er tøk).

Tríggjar fótbóltskvinnur frá felagsliðnum í Suðuroynni, sum er flutt upp í bestu deildina, geva okkum innlit í viðurskiftini hjá kvinnufótbólti í Suðuroynni og Føroyum sum heild:Naina Mortensen, Fámjin, Bára í Lágabø, Vágur, og Jónhild Nybo, Tvøroyri.
Undan sending høvdu vit verið til arbeiðis saman við Even Skaalum, hvalbingi, sum er kommunuarbeiðari í Havn. Frammanundan hevði hann verið bakari í 21 ár.

Noomi Midjord, sum síðan 1990 hevur búð í Svøríki, vitjar á Tvøroyri, men evnið er kostvegleiðing, ið hon hevur gjørt til sín vinnuveg.

Okkara egni Salt Café reportari ringir til tríggjar suðuroyingar fyri at fregnast um støðu teirra til kommunusamanlegging - ein av hesum trimum er Símun í Grillbúðini.

Heilt annað evni í sendingini er kaffistovu- og hotelviðurskiftini í oynni, haríroknað er ferðavinnan. Anna Mortensen, sum eigur Café Mormor, og Theresa Turidardóttir Kreutzmann, sum eigur Hotel Bakkan, siga frá avbjóðingum í vetrarskeiðnum; góðu undirtøkuni í summarhálvuni og tankum um framhaldið.

Suðuroyar Sjónleikarfelag spælir leikin, 'Fótur í hosu', í Salt og Ebba Malena Debes Thomsen, sum bæði er ein av høvuðsleikarunum og hjálparleikstjóri, lýsir leikin og karakterirnar. Hon vaks upp í Havn, men kom til Suðuroyar úr Keypmannahavn, har hon var útbúgvin sjónleikari. Hesum greiðir hon frá; hvussu tað er at vera í Sumba og hon nertir stutt við, at pápin, sáli, var úr Froðba. Umframt samrøðuna verður eitt brot spælt úr aktuella leikinum.

At enda, áðrenn Eyðun Nolsøe spælir seinasta sangin, hoyra vit ein hermara spæla ein prest í oynni.

Næsta 'Café Salt' sendingin er sett á KvF útvarpsskránna tann 15. desember 2021 kl. 19.00. Vertir eru Ólavur Rasmussen og Jákup Magnussen.

NB: myndin var eitt screen-shot frá stroymingini.