- Tíðindi, mentan og ítróttur
Eitt korter við...
Í dag fara vit at hoyra løg úr Suðuramerika, Japan, Afrika og vit enda í Føroyum við kórinum Tarira, ið vann fyrstu heiðursløn, tá árliga kórstevnan var hildin í Vestmanna um vikuskiftið.
Heili 17 kór og eini 6-700 kórsangarar úr øllum landinum luttóku á stevnuni.
Tarira við Berhardi Wilkinson sum kórleiðara, varð kosið besta kór. Á øðrum plássi kom Xperiment, Silvitni fekk triðju virðisløn, og áhoyrarnir á konsertini góvu Xperiment við Ásbjørn Berthelsen sum dirigenti flest atkvøður. Kórleiðarin og tónaskaldið Kári Bæk bleiv eftir konsertina heiðraður við einum Herðaklappi
Tónleikalisti:
1. Exaudi Chamber Choir from Cuba - Arroz con leche (Komp. Carlos Guastavino)
2. Silvitni - Mae (Komp. Kentaro Sato)
3. Soweto Gospel Choir - Shozoloza (Komp. uppr.)
4. Alaia - Dizdizak Zeruan (Komp. Eva Ugalde)
5. Tarira - Sig mær hví er foldin føgur (Komp. Sunleif Rasmussen)
Eitt korter við...
«Eitt korter við…» er sending, har ein vertur hvønn týsdag, mikudag og hósdag klokkan 12-12.15 velur tónleik í tónleikastílum, ið ikki eru eins nógv at hoyra í útvarpinum og aðrir. Sendingin hevur skiftandi vertir, og málið er at skapa størri fjølbroytni í ljóðmyndini, at bjóða lurtaranum av og veita tónlistarligan íblástur.
