Vegurin millum Skopun og Sand við teymi til Traðir, ið er fyrsti koyrivegurin millum bygdir í Føroyum, varð gjørdur frá 1914 til 1916. Men hvør er søgan um vegin og hví gjørdist júst hesin vegurin fyrsti koyrivegurin millum bygdir í Føroyum? Hesar og aðrar spurningar umrøða vit saman við Finnleif Durhuus, sum fór í starv hjá Landsverki í 1969.
Í Trøðum á Sandi stendur ein sera snøggur varði yvir føroyska samferðslusøgu, og tað er gamla Esso pumpan frá 1950-árunum. Vit tosa við Ásmund Johannesen, sum er ein teirra, ið tóku stig til at varðveita og gera pumpuna í stand.
Skopunar havn hevur eina bæði drúgva og serstaka søgu, samstundis sum hon kanska eisini er vakrasta havnin í Føroyum. Vit tosa við Gerhard Lognberg, borgarstjóra í Skopunar kommunu, um havnina, eins og vit eisini hoyra brot úr áhugaverdari grein, sum Jens Marius Hentze skrivaði um Skopunar havn.
Tú kanst hoyra sendingina her!