Síðan 2016 hevur Bogi Krossteig miðvíst arbeitt fram ímóti at gera eitt kavarasentur í Havn, so hann kann taka fólk við út at uppliva goymdu føroysku náttúruna undir vatnskorpuni. Hann sær eisini stórar møguleikar í øktu ferðavinnuni.

Sjálvur hevur Bogi kavað nógv runt í heiminum - millum annað í holum í Mexico, Florida og suður Franklandi, niður á ein kavbát frá seinna heimsbardaga út fyri Malta og koral rev í Reyða havinum.

- Ongastaðni er tað líka vakurt, líka serstakt og óspilt, sum tað er her í Føroyum, sigur Bogi.

Inni á hopfigging.fo er meira kunning at finna um verkætlanina.