Fyrr var sagt við tey ungu, at tey sluppu ikki at gera hetta og hatta. Soleiðis er ikki í sama mun við dagsins ungdómi. Tey hava aðrar avbjóðingar, tí tú skalt helst fáa eina langa útbúgving, og tað skal vera ein, tú brennir fyri, tú skalt ansa eftir tínum kroppi, tú skalt liva sunt, og so nógv annað.

Hetta er alt at lesa í einari bók, sum eitur Utilstrækkelig, og sum er grundarlagið undir einum sjónleikasamstarvi millum næmingarnar á Brúnni í Skálavík og næmingarnar á Skovbo Efterskole í Danmark.

Saman hava tey skrivað ein leik, sum tey fara at framføra í Føroyum um vikuskiftið og í Danmark í februar mánað.