Stuttflutt er ársins orð

15-12-2022

Hetta er sjeyndu ferð, at ársins orð verður valt í morgunsendingini

- Stuttflutt er eitt snøgt orð, sum riggar væl og sigur rættiliga nógv, segði Óluva Klettskarð í morgun, tá hon vísti á stuttflutt sum ársins orð.

Hóast hinir báðir við borðið høvdu onnur uppskot, var tað stuttflutt, ið dró longsta stráðið tá avtornaði.

Í útvarpsstovuni vóru Ragnar Sigrunarson, málsligur ráðgevi og samskipari í Málráðnum, Jón Brian Hvidtfeldt, formaður í felagnum Føroysk Miðlafólk og Óluva Klettskarð, forkvinna í felagnum Føroyamál.

Tey 10 orðini, ið vórðu til umrøðu, vóru hesi:

- inflatión
- jarðhiti
- Jenis
- olja
- orkuskifti
- príshækking
- stuttflutt
- Ukraina
- tunnil
- hol/bora

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500