Loyv barninum at hála stikkið úr

06-09-2023

- Viðhvørt hava børn tørv á, at als einki er á skránni, og tey bara kunnu halda frí, sigur Sára Gullfoss, heilsufrøðingur og motorikkvegleiðari.

Skiftið at fara úr langari summarferiu og í gerandisdagin aftur er ikki altíð heilt lætt.

Tað kann vera avbjóðandi bæði fyri foreldur og børn, tí eftir fleiri vikum, har til ber at sova leingi, ongar fastar tíðir við máltíðum og so framvegis, skal øll familjan finna seg til rættis aftur í gerandisdegnum við barnagarði, skúla, arbeiði, frítíðarítrivum og so framvegis.

- Vit skulu ikki altíð hava eitt fult programm, tá vikuskiftið er. Viðhvørt hava børn eisini tørv á at hála stikkið úr og bara halda frí. Tá kann vera nóg mikið við einum túri út á grasplenuna, har tit hyggja eftir smákyktum, sigur Sára Gullfoss.

Í morgunsendingini tosar Sára Gullfoss um skiftið frá feriu til gerandisdag. Harafturat svarar hon spurningum frá lurtarum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500