Sjálvt um Barbara arbeiðir fysiskt analogt og við hondunum í tilfarinum, hon nýtir til at skapa, og Hauge arbeiðir talgilt við millum annað 3D tøkni, so finna verkini saman í einari samrøðu, tá tey vera sett saman í einari framsýning.

Tað sigur Barbara í Gongini, sum í morgin fríggjadagin letur upp framsýningina Úrbreðgi saman við soninum Hauge í Gongini Djernis.

- Tað eru líkasum tvey herðashorn, sum hittast onkusvegna, og tað er ein nokkso stuttligur spenningur, sum uppstendur av tí sama.

- Eg rokni við at tey, sum koma at hyggja at framsýningini, fara at síggja ein greiðan samanhang millum summi av okkara verkum, sigur Hauge í Gongini Djernis, sum sigur seg altíð hava fingið íblástur úr arbeiðinum hjá mammu síni.