Góðan morgun Føroyar

Gevandi at vera flóttafólkavinur
09-02-2024
- Vit læra av hvørjumøðrum, og eitt veruligt vinalag er komið burturúr, sigur Tóra O. Sørensen, sum er flóttafólkavinur í Reyða krossi.

Sum tilflytari ella flóttafólk í Føroyum kann tað vera trupult at trívast, at koma at kenna samfelagið, og at gerast partur av teimum felagsskapum, sum knýta okkum saman. Tað kann vera á arbeiðsplássinum, í skúlanum ella í frítíðarítrivi.

Reyði Krossur hevur tí tørv á fólki, ið vilja vera sjálvboðin, og sum eru áhugað at fáa samband við fólk úr øðrum londum.

Ein, sum er flóttafólkavinur, er Tóra Oddnyardóttir Sørensen. Hon hevði sæð lýsingar frá Reyða krossi, har tey leitaðu eftir flóttafólkavinum.

- Eg ringdi tí til Reyða kross, sum kundi fortelja mær, at mínir nýggju grannar, sum vóru flóttafólkafamilja, høvdu søkt um at fáa ein flóttafólkavin, so tað passaði so væl, sigur Tóra O. Sørensen.

Javnan hjálpir hon familjuni við eitt nú at fara til lækna, greiða teimum frá skúlaskipanini í Føroyum, forklára um føstulávint og so framvegis.

Sambært Tóru O. Sørensen er tað sera gevandi at kunna hjálpa á henda hátt.

- Eg havi fingið eitt nýtt vinarband. Og harafturat haldi eg, at tað er ofta avmarkað, hvat mann kann gera, tí mann hevur eitt familjulív, arbeiði og annað, so eg haldi, at hetta er ein góður máti at hjálpa her og nú, sgur Tóra O. Sørensen.

Í morgunsendingini tosa Tóra O. Sørensen og Bjørg B. Winnings um sjálvbodnar vinir í Reyða krossi.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500
Veðrið, føroyingur í Ørebro, Disney fótbóltur
10-02-2025
Veðrið, Sissal til MGP, kapping, Kallið
07-02-2025
Føroya søga, veðrið, ævisøguskriving, prestur skrivar barnabók og føroysk luttøka í MGP
06-02-2025
Veðrið, liðleiðari til útlendskt felag, lesaravirðislønin 2025 og paragraff 216 í revislógini
05-02-2025
Veðrið, føroysk frímerki, ung & rúsevnir, eldur í bilum
04-02-2025
Veðrið, vika 6 og Virkin Vágur
03-02-2025
Lús, Veðrið, Huldulitt, kapping og ítróttarfagnaðurin
31-01-2025
Søgutáttur, veðrið, skrivikapping og mentanarvika í Runavík, rørsla á arbeiðsplássinum, Tweed & Hyenas, føroysku filmur
30-01-2025
Veðrið, dansur í Taivan, akademikarar, dómarar
28-01-2025
Veðrið, altjóða holocaust-dagur, Pól Sundskarð aftur í fjøllunum
27-01-2025
Veðrið, skipatunnil, kapping, goymslan hjá Tjóðsavninum
24-01-2025
Veðrið, børn spæla minni í dag, krabbameinsskráin, bók um Hvannasunds kirkju
23-01-2025