Leygarkvøldið verður danska Melodi Grand Prix hildið í konserthúsinum hjá DR í Keypmannahavn.

Átta sangir fara at dystast um heiðurin at umboða Danmark í Eurovision kappingini, sum verður í Malmø í Svøríki.

Millum teir átta sangirnar er I Need Your Love, sum Janus Wiberg syngur.

- Eg hevði ikki roknað við, at tað var so nógv fyrireiking í sambandi við at syngja ein sang, sigur føroyski luttakarin.

Nógv venjing og rættiliga nógvar samrøður við alskyns miðlar. Á ein hátt gleði meg, til hetta er yvirstaðið, viðgongur Janus Wiberg.

Fyri meg er sjálvur sangurin tað, ið telur, leggur hann aftrat. Tí skal hyggjarin ikki rokna við at síggja Janus Wiberg dansa á pallinum.

Melodi Grand Prix byrjar klokkan 19 leygarkvøldið og tað sæst eitt nú á heimasíðuni hjá Danmarks Radio.