Góðan morgun Føroyar

Foreldur spæla stóran leiklut í rúsdrekkavanum
26-02-2024
Summi foreldur halda, at tey hjálpa teimum blaðungu við at geva teimum nakrar fáar øl, men í roynd og veru er hetta ein bjarnatænasta, heldur SSP-ráðgevi.

At geva barninum ávísar mongdir av rúsdrekka, áðrenn tað er 18 ár, er tað sama, sum at siga, at tú góðtekur, at barnið drekkur.

Tað heldur Daisy Iversen, sum er ráðgevi í SSP, sum er samstarvið millum skúla, sosialar myndugleikar og politi.

Í arbeiðinum hittir Daisy Iversen ung fólk kring landið og foreldur teirra. Hóast vit í Føroyum ikki hava neyv tøl, so er hennara fatan, at vit ivaleyst fylgja gongdini í rúsdrekkavanum í londunum rundan um okkum - tey ungu drekka minni enn fyri 20 árum síðani.

Tað er serliga sambandið við foreldrini, og hvørji vinfólkini eru, sum hevur ein týðandi leiklut, tá tað snýr seg um ung undir 18 ár og rúdrekkavanar.

- Í teimum førunum, har foreldrini ikki góðtaka alkohol, áðrenn børnini er 18 ár, byrja børnini aloftast seinni at drekka og harafturat drekka tey eisini minni mongdir, sigur Daisy Iversen.

Hóast tað ikki ber til at siga, at ein ávís týpa byrjar at drekka á ungum árum, er tó eitt, ið hevur týdning í hesum sambandi.

- Børn og ung undir 18 ár, sum trívast væl í skúlanum, ganga til ítrótt, hava ymiskt frítíðarvirksemi og eru partur av einum felagsskapi, byrja oftast seinni við at drekka, sigur Daisy Iversen.

Í morgunsendingini greiðir Daisy Iversen frá alkoholvanum hjá teimum ungu, og hvørja ávirkan foreldur og onnur rundan um tann unga hava á rúsdrekkanýtsluna.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500
Veðrið, dansur í Taivan, akademikarar, dómarar
28-01-2025
Veðrið, altjóða holocaust-dagur, Pól Sundskarð aftur í fjøllunum
27-01-2025
Veðrið, skipatunnil, kapping, goymslan hjá Tjóðsavninum
24-01-2025
Veðrið, børn spæla minni í dag, krabbameinsskráin, bók um Hvannasunds kirkju
23-01-2025
Veðrið, Respect your talent, bók um fótbólt, ovurvirkaður matur
22-01-2025
Veðrið, Donald Trump, Óli Hammer
21-01-2025
Veðrið, granskingarverkætlan og nýggjur konsertmeistari í FSO
20-01-2025
Veðrið, filmar og røðir, kapping, politistur í 40 ár á pensjón
17-01-2025
Brot úr Føroya søgu, veðrið, børn og snildfonir, tunnil 40 ár, spurnarkapping um kvæðamentan
16-01-2025
Veðrið, kavaódn í 2015, nøvnini við Tjarnir, fíggjarserfrøðingur
15-01-2025
Veðrið, gongutúrar alt 2024, kirkjuráðslimir hittast, føroyingur hevur undirhald sum vinnuveg í Íslandi
14-01-2025
Veðrið, ungdómsting á Christiansborg og dart
13-01-2025