Bíbilsk sálarrøkt.<br/>
Soleiðis eitur útbúgvingin, sum útvið 15 prestar í føroysku fólkakirkjuni júst hava fingið.<br/>
Tveir prestar, ið hava lært um bíbilska sálarrøkt, eru Lis Samuelsen og Derhard Jógvansson.<br/>
Sambært teimum snýr henda útbúgvingin seg í høvuðsheitum um at brúka ein nýggjan samrøðuhátt, tá tey tosa við fólk í eitt nú sorg, kreppu ella trauma.<br/>
- Bíbilsk sálarrøkt brúkar ein viðurkendan altjóða samtaluteknikk, sum byggir á bíbilskar tekstir og viðkomandi sálarrøkt, og so verða dømi tikin úr tí veruliga lívinum, sigur Lis Samuelsen, og vísir á, hvussu bíbilsk sálarrøkt fungerar heilt ítøkiliga.<br/>
- Her fer mann aktivt inn og brúkar bíbilsku tekstirnar. Ikki sum moralskt kumpass, men vísir á loysnir og møguleikar, og peikar á, hvør gud er, sigur Lis Samuelsen.<br/>
- Tað áhugaverda við at brúka bíbilsku tekstirnar er, at har er so ótrúliga nógv at heinta fyri eitt menniskja, sum er í sorg ella í neyð, hevur upplivað trauma og ikki ordiliga kemur víðari í lívinum, sigur Derhard Jógvansson, sum eisini vísir á, at sálarrøkt er ein atórur partur av prestarstarvinum.<br/>
- At brúka bíbliuna í sálarrøkt er nakað, vit gera í okkara arbeiði, men tað kann vera trupult at vita, í hvussu stóran mun mann skal brúka bíbilskar tekstir, og har er munur á at tilvitað brúka tekstirnar nakað meir í samtaluni, sigur Derhard Jógvansson.<br/>
Í morgunsendingini forklára Lis Samuelsen og Derhard Jógvansson um bíbilska sálarrøkt í prestastarvinum