Her er besta verkið í fyrstu listakappingini

05-02-2015

Kinna Poulsen, listaummælari, er sera væl nøgd við undirtøkuna, sum tiltakið hevur fingið

Rannvá Skaalum Petersen, sum tók bestu myndina, sigur soleiðis um hana: "Myndin er tikin beint uttan fyri Sørvág av vinkonu míni, ið valdi at fáa sær ein lítlan svimjitúr. " Morgunsendingin takkar fyri tey fleiri enn 100 verkini, sum tóku lut í fyrsta tiltakinum.

Nú verður farið undir nýtt tiltak, og evnið hesa ferð er "húsarúm". Um tú hevur hug at taka av avbjóðingini, so er at gera verkið, taka mynd av tí og senda hesa til morgunsendingina. Teldupostbústaðurin er gmf@kvf.fo. Eisini er gjørligt at senda myndina til facebook-vangan hjá morgunsendingini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500