Triðihvør ungur hevur roynt rúsevni

15-06-2017

Í nýggja Ó-blaðnum er kanning gjørd um ung og rúsevnisnýtslu. Kanningin varð gjørd við SMS-skipan. 1058 vórðu spurd, og 460 svaraðu

Morgunsendingin skiftir orð við Hanus Samró, sum hevur gjørt kanningina.

31% hava tikið rúsevni, men ikki er greitt hvussu ofta, ella hvussu reglulig nýtslan er?

37% siga, at rúsevni eru løtt at fáa hendur á.

Hagtølini skulu takast við fyrivarni, sigur Hanus Samró, men tó geva tey okkum ein løtumynd.

Morgunsendingin tosar eisini við Martin Kúrberg, sum júst hevur latið viðgerðarheimið Frælsi á Eiði upp. Har koma ung, sum hava trupulleikar við rúsevnum og rúsdrekka.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500