Øll kenna øll í Føroyum

29-09-2017

- Tøttu sosialu sambondini eru ein avbjóðing fyri útlendingar í Føroyum, sigur Erika Hayfield.

Hvussu er at vera útlendingur í Føroyum - einum samfelag, har sosialu sambondini eru tøtt?

Hetta er nakað, sum Erika Hayfield frá Søgu- og samfelagsdeildini á Setrinum hevur kannað.

- Tey sosialu sambondini fylla rættiliga nógv í gerandisdegnum, og føroyingar tosa nógv um, hvør hoyrir til hvønn og hvussu, sigur Erika Hayfield.

Tøttu sambondini eru ein avbjóðing fyri útlendingar, sum koma hendavegin at búgva.

- Sum útlendingur verður tú ofta giftur inn í eina familju, men annars ert tú sum útlendingur ikki partur av nøkrum netverki. Júst hetta kann gera tað avbjóðandi hjá útlendingum at navigera í samfelagnum, sigur Erika Hayfield.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500