Hóast nógv verður tosað um at verja umhvørvið, er tað ein sannroynd, at nógv rusk framvegis er at finna.

Fínteljing frá Rudda Føroyar tiltakinum, 21. september, vísir, at sjálvboðin hava ruddað 28.226,4 kilo av ruski úr føroysku náttúruni.

Ein stórur partur stavar frá ídnaðarøkjum, og hetta ruskið hevur ofta ligið í fleiri áratíggju.

Men eisini var nógv rusk, sum nýliga er tveitt í náttúruna, tikið upp.

Tá vit síggja, at onnur ikki reagera upp á tað, at rusk verður tveitt, laga vit okkum til bólkin og gera tí heldur einki sjálvi, sigur Tóra Petersen, Ph.d. í sálarfrøði.

Menniskju hava ógvuliga ilt við at bróta úr bólkum.

Fyri at minka um rusk, skal tað á onkran hátt knýtast ein tign at tí at verja umhvørvið. Hinvegin skal tað verða ókul at tveita rusk, sigur sálarfrøðingurin.

Filmurin, sum verður umrøddur í samrøðuni, kann síggjast á hesum leinki.