Í sendingini hesa ferð eru tvær bøkur og eitt pallverk á skánni.

Mín jólabók kom út fyri fyrstu ferð í 1950, og fyllir tí 75 ár. Hvør er søgan handan bókini, hvussu hevur bókin og søgurnar ment gjøgnum tíðina, og er Mín jólabók framvegis áhugaverd fyri børn í dag? Vit tosa við Turið Kjølbro, ritstjóra á Bókadeild Føroya Lærarafelags, og Beintu Johannessen, blaðstjóra á STROK og Píka7, sum hava ritstjórnað og skipað Mín jólabók síðani 2005.

Dansivirkið Riva og Føroya slagverk Ensemble venja í løtuni pallverkið "Rýtmografi", sum verður framført leygardagin og sunnudagin í Norðurlandahúsinum. Vit vitja í Norðurlandahúsinum, og sveima inn í ein dansi- og rýtmuheim.

EIsini aftur vit aftur í jarnøldina, og á vandafulla ferð saman við 14 ára gomlu Sagu, sum er høvuðspersónur í nýggjari ungdómsskaldsøgu hjá Ingun Christensen, rithøvundi.