Norski Tomas Espedal, ið var við á Føroyska bókmentafestivalinum í síðstu viku, er ein av mest viðurkendu norsku og norðurlendsku rithøvundunum. Vit tosa við hann um eldhugan fyri at skriva, og markið millum fiktión og veruleika. 

Vit taka pulsin á fyrireikingunum til FMA, Faroese Music awards, sum verða fríggjakvøldið.

Og vit varpa ljós á kvinnur í tónleiki, tí leygarkvøldið skipar Femininomen fyri konsert í Oy, og hátíðarhalda, at tað í løtuni ber til at skipa fyri stórari konsert, har bert kvinnur eru á pallinum.