Tað stóð nógv á politisku skipanini stutt fyri jól. Málið um sammøður setti kílar í samgonguna, og politiska skipanin skalv.

Ein kvinna, sum tíðliga greiddi frá sínari støðu og vísti, hvussu nógv hetta hevði at siga fyri seg og síni børn, var Annika Schandorffsdóttir Vang. Omaná alt gjørdist orðið "sammmóðir" ársins orð.

Annika S. Vang er ársins nýggjársgestur hjá Kringvarpinum. Hon greiðir frá, hvussu tað var at koma í andglettin, hon sigur frá svárum løtum og stórum sigrum, og lýsir hvussu tað er og hevur verið at vera samkynd í Føroyum.