Plátubarrin

TEMA50: 'Ring Ring' - Annifrid, Benny, Björn, Agnetha, 1973
15-04-2023
Talan er um frumplátuna hjá Annifrid, Benny, Björn, og Agnethu, áðrenn bólkurin varð nevndur Abba. 'Ring Ring' verkið varð ikki givið út í stórum londum sum USA og Bretlandi.

Henda Temaplátan er eitt 50 ára minni um fyrsta albumið hjá hjá teimum fýra í Abba, kallað 'Ring Ring'.


Heitislagið varð ein slagari í Skandinavia og á einstøkum øðrum marknaðum, eisini í Føroyum, her Útvarp Føroya spældi so at siga øll løgini á plátuni. Men hetta var tann trilvandi byrjanin hjá bólkinum, sum framvegis her í 2023 er tann svenska tónleikaætlanin, ið hevur havt størtu undirtøkuna.


Heitislagið er ein grand-prix sangur. Tey fýra sungu 'Ring Ring! (Bara Du Slog En Signal)' til eitt triðjapláss í svenska grand-prixnum, Melodifestivalen, men sangurin avrikaði enn betur á heimliga popplistanum, har tað var nummar eitt á svenskum. Enska útgávan vann eitt annaðpláss í bæði Svøríki, Norra, og Eysturríki, umframt at vera einastaðni á Topp 10 í Niðurlondum, Suðurafrika, og Rhodesia. Í Bretlandi og Vesturtýsklandi riggaði lagið ikki.


Sum sagt var albumið eitt stórt útvarpshitt í Føroym. Einasti føroyski loftmiðilin spældi nógv hesi 'Ring Ring' løgini fyri okkum: 'People Need Love', 'He is Your Brother', 'Ring Ring', 'Nina, Pretty Ballerina', 'Me and Bobby and Bobby's Brother', og 'Another Town, Another Train'.


Plátubarrin 15. apríl 2023.

 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
'These Dreams', 'What About Love', 'Never', og 'Nothin' At All' eru a-síður frá hesi úgávu, ið bar sjeytiárabólkin Heart fram í kastiljósið av nýggjum. Eitt stórt come back.
08-02-2025
Tað tók sína tíð at geva nakað út hjá suðuroyarbólkinum, Starlight, sum var eitt vælumtókt popporkestur fyrr. Niclas Johannesen og Óli Poulsen hava framleitt og miksað.
08-02-2025
Ace of Base er triðstørsta navnið í svensku tónleikasøguni. Talan er um ein dub-reggae stíl, sum altjóða poppmarknaðurin í nítiárinum tók sera væl ímóti.
01-02-2025
Tað sjeynda og eisini mest selda albumið hjá Whitesnake. Talan er um tað seinna við John Sykes, sála, á gittarinum. Sera kend løg eru 'Is This Love' og 'Here We Go Again '87.
25-01-2025
Relax, Two Tribes, The Power of Love, eru kendastu løgini frá hesum fyrra Frankie heildarverkinum. Hettar er ein longd netútgáva av táttinum, ið sendur varð í Plátubarrini.
18-01-2025
Á 'Glass Houses' er fyrsta plettskotið hjá Billy Joel í USA, nevniliga 'It's Still Rock and Roll to Me'. Albumið rakk somu hæddum og er ein tann mest selda Billy Joel útgávan.
11-01-2025
Tema er frumplátan hjá norska a-ha; 'Hunting High and Low'. Hon hevur tvey stórhitt, ið vórðu givin út á singleplátu, nevniliga 'Take On Me' og 'The 'Sun Always Shines On Tv'.
04-01-2025
Hans Hjalte Skaale syngur og spælir, Árni Jakobsen yrkti. Vísan varð send í Plátubarrini gamlaárskvøld 2024.
01-01-2025
Frumútgávan frá '84, 'Saman við Tær'. Hon er bæði protestvísur og veitslusangur - alt í senn. Vit skála við Hundinum brúna, samstundis sum hann er ímyndin av teimum fátæku.
31-12-2024
'For a Few Dollars More' og 'Mexican Girl' eru tvey av løgunum á hesi vælumtóktu plátu eftir Smokie. Talan var um endan á samstarvinum við Mike Chapman og Nicky Chinn.
27-12-2024
Talan er um størsta Metallica rokkvarðan, ið vanliga verður kallaður 'svarta albumið'. 'Enter Sandman' og 'Nothing Else Matters' eru kendastu løgini. Øll 12 løgini eru við.
27-12-2024
Innspælingar av gomlum jólaløgum sum 'Let it Snow! og 'Merry Xmas Everybody', men eisini nýskrivaðir sangir sum 'Bad Sharon', 'Can't Stop Christmas', og 'Time for Change'.
21-12-2024