- Tíðindi, mentan og ítróttur
Plátubarrin
Bloody Dice spælir harðan og tungan rokk, men manningin hevur lagt seg eftir at ganda eitt so upprunakent útrykk fram, sum teimum gjørligt. Til dømis verða synthezisarar ikki nýttir.
Dagfinn Joensen var gestur í Plátubarrini 28. oktober 2023 at greiða frá Bloody Dice bólkinum og útgávuni, ið fæst sum LP-pláta, fløga, stroyming, og hjá Itunes. Innslagið byrjar við lagnum 'Bloody Dice', meðan endalagið er 'Evil Desire'.
Dagfinn hevur eina fortíð sum forsangari í føroyska bólkinum Eager To Please, ið gav eina fløgu út. Í Danmark, har hann býr, hevur hann millum annað givið tvær fløgur út saman við Fate, ið byrjaði at spæla í áttatiárunum. Við Fate vitjað hann eisini Summarfestivalin í 2012.
Mynd: Jákup M.
Plátubarrin
Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00.
Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt.
Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin.
Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
