Plátubarrin

TEMAPLÁTAN 40, Saman við tær, Frændur, 1984 + Steintór Rasmussen luttøka
31-12-2024
Frumútgávan frá '84, 'Saman við Tær'. Hon er bæði protestvísur og veitslusangur - alt í senn. Vit skála við Hundinum brúna, samstundis sum hann er ímyndin av teimum fátæku.

Í 2024 hevur tema-dentur verið á fleiri útgávur, ið vórðu givinar út í 1984, tað vil siga fyri 40 árum síðan. Hetta eru alt útgávur, ið hava dygd til kunna heiðrast og soleiðis er eisini við tí seinastu av ársins heiðursplátum, frumplátuni hjá Frændum, kallað 'Saman við tær'.


Prátað verður við Steintór Rasmussen um teir ellivu sangirnar, ið festir vórðu á 'Saman við tær'. Hann skrivaði sangtekstirnar til útgávuna og komponeraði átta av løgunum. Tann einsamalli týddi teksturin er til lag hjá Rodrigues, til ein annan varð Paul Simon lag lánt, og Torberg Johannesen skrivaði lag til ein teirra. Upptøkan varð gjørd í MZ Ljóðteknikk í Havn, og Anker Eli tilevnaði plátuhúsan. Útgevari var Framtíð Føroya.


Løg
Hundurin brúni (orð & lag: Steintór Rasmussen).
Sangur til frælsi (orð & lag: Rodriquez - týtt til svenskt: Afzelius - týtt úr svenskum Steintór Rasmussen).
Ráðaleysi yrkjarin (orð: Steintór Rasmussen, lag: Torberg Johannesen).
Minnist tú gildið (orð & lag: Steintór Rasmussen).
Brennivínsvinir (orð & lag: Steintór Rasmussen).
Kærleiki (orð & lag: Steintór Rasmussen).
Kuffert (orð & lag: Steintór Rasmussen).
(Upprunaliga:) Baby Reagan (lag: Paul Simon, orð: Steintór Rasmussen).
Lívsmynd (orð & lag: Steintór Rasmussen).
Hví situr tú so (orð & lag: Steintór Rasmussen).
Saman við tær (orð & lag: Steintór Rasmussen).


Plátubarrin 31.12.24

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00.

Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt.

Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin.

Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.

TEMAPLÁTAN 40: 'The Final Countdown', Europe '86
Tann best umtókta útgávan hjá svenska rokkbólkinum, Europe. Kend løg eru heitislagið, sum er 'The Final Countdown', 'Rock the Night' og 'Carrie'.
09-05-2026
TEMAPLÁTAN: 'Wrap Your Arms Around Me', Agnetha Fältskog 1983 + eykaløg
Fyrsta og best umtókta solistútgávan hjá Agnethu Fältskog á enskum máli. Mike Chapman var framleiðari.
02-05-2026
TEMAPLÁTAN 40: 'Slippery When Wet', Bon Jovi - metsøluplátan frá 1986
Talan er um eina av mætastu rokkútgávunum í áttatiárunum. Best umtókta lagið, Livin' On a Prayer, er millum heimsins best laðaðu rokkvarðar.
25-04-2026
TEMAPLÁTAN: 'Vejen væk', Thomas Helmig, 1988 + eykalag
Tann best umtókta Thomas Helmig útgávan við løgum sum 'Det er mig der står herude og banker på' og 'Nu hvor du har brændt mig af'. Eisini er eitt Gasolin' tøkulag tikið við.
18-04-2026
TEMAPLÁTAN: 'Diana', Diana Ross, 1980 + eykalag '82
Poppur, R&B, soul og disco eru stílirnir á hesari best umtóktu LP-útgávu hennara. Løgini Upside Down, I'm Coming Out, og My Old Piano eru poppklassikarar, sum vit enn spæla.
11-04-2026
TEMAPLÁTAN 50: 'High and Mighty', Uriah Heep, 1976
Talan er um ta seinastu UH útgávuna við David Byron á forsangi. 'One Way or Another', 'Weep in Silence', og 'Misty Eyes' er mest spældu løgini.
04-04-2026
NÝTT LAG: Starlight heldur fram á rokkós við 'Dreymaland'
Starlight gav í fjør tvey løg út og í ár er ætlanin at útgeva enn fleiri. Tann fyrsta av hesum 2026 útgávum er rokkballadan Dreymaland, sum Niclas Johannesen hevur framleitt.
28-03-2026
TEMAPLÁTAN 50: 'Take the Heat off Me', Boney M. 1976 + trý eykaløg
Frumplátan hjá diskobólkinum Boney M. við løgum sum 'Daddy Cool' og 'Sunny', og føroyska hittinum 'No Woman No Cry'.
21-03-2026
TEMAPLÁTAN: 'Saints and Sinners', Whitesnake, 1982.
'Here I Go Again' og 'Crying in the Rain'. Vit hoyra hasi bæði hittini og eisini hini løgini á plátuni. Ein av tónleikarunum, Bernie Marsden, greiðir KVF frá einum av løgunum.
14-03-2026
TEMAPLÁTAN: 'Gemini', Gemini, 1985 - ABBA aftaná ABBA
Onkuntíð heldur tú teg vera í tónleikaheiminum hjá Abba, aðrar løtur á ferð við Chess. Soleiðis er henda Temapláta hjá Gemini. Kendasta lagið er 'Another You, Another Me'.
07-03-2026
TEMAPLÁTAN: 'Centerfield', John Fogerty, 1985
Tann triðja og eisini best umtókta heildarútgávan, sum John Fogerty hevur givið út sum einstaklingur. Kendastu løgini eru 'The Old Man Down the Road' og 'Rock and Roll Girls'.
28-02-2026
TEMAPLÁTAN: 'Into The Gap' og aðrar útgávur, Thompson Twins 1983-1984-1985
Into The Gap var ein av stórsøluplátunum í 80'unum, harav kendasta lagið er 'Hold Me Now'. Í hesum sambandi hoyra vit eisini onnur TT løg, so talan er um heildarsending.
21-02-2026