Plátubarrin

Starlight frumlagið er ein rokkari í náttini
08-02-2025
Tað tók sína tíð at geva nakað út hjá suðuroyarbólkinum, Starlight, sum var eitt vælumtókt popporkestur fyrr. Niclas Johannesen og Óli Poulsen hava framleitt og miksað.

Plátubarrin 8. februar 2025: Samrøða við Starlight manningina og frumspæling av nýggja sangi bólksins, sum er teirra fyrsta útgáva nakrantíð, hóast bólkurin varð stovnaður í 1979. Virksemið hevur tó verið lítið seinastu nógvu árini. Heitið á sanginum er "Knáir gamlir menn" og talan er um popprokk við góðari og klárari ljóðmynd, sum Jóhan Martin Jacobsen hevur skrivað og Tutl gevur út. Støðið er tikið í teimum sjálvur, nú teir eru farnir um miðjan aldur. Tað er eisini stuttligt at eldast og lívið kann sum onki gerast enn stuttligari enn tá ein sum ungur gekk upp í hvørja pirru. Mangan verður ein eisini dugnaligari við árunum.

Niclas Johannesen og Óli Poulsen hava framleitt og miksað, og Starlight manningin hevur sjálv arrangerað. Prátað verður við sangararnar, Jákup Hansen og Fimmboða Lisberg, og gittaristin og lagskrivaran, Jóhan Martin Jacobsen. Talan er um fyrra avrikið av fyribils tveimum Starlight sangum, sum eru gjørdir lidnir. Hin seinni verður sleptur á marknaðin um nakrar vikur.

Manningin:
Jákup Hansen
Fimmboði Lisberg
Jóhan Martin Jacobsen
Kári Lisberg
Sámal Samuelsen
 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
TEMAPLÁTAN: 'Whitesnake 1987' - eitt minni um John Sykes
Tað sjeynda og eisini mest selda albumið hjá Whitesnake. Talan er um tað seinna við John Sykes, sála, á gittarinum. Sera kend løg eru 'Is This Love' og 'Here We Go Again '87.
25-01-2025
TEMAPLÁTAN: Welcome to the Pleasuredome, Frankie Goes To Hollywood, 1984
Relax, Two Tribes, The Power of Love, eru kendastu løgini frá hesum fyrra Frankie heildarverkinum. Hettar er ein longd netútgáva av táttinum, ið sendur varð í Plátubarrini.
18-01-2025
TEMAPLÁTAN: 'Glass Houses', Billy Joel, 1980 (2025)
Á 'Glass Houses' er fyrsta plettskotið hjá Billy Joel í USA, nevniliga 'It's Still Rock and Roll to Me'. Albumið rakk somu hæddum og er ein tann mest selda Billy Joel útgávan.
11-01-2025
TEMAPLÁTAN 40: 'Hunting High and Low', a-ha, 1985
Tema er frumplátan hjá norska a-ha; 'Hunting High and Low'. Hon hevur tvey stórhitt, ið vórðu givin út á singleplátu, nevniliga 'Take On Me' og 'The 'Sun Always Shines On Tv'.
04-01-2025
NÝGGJARSVÍSA: Víð ársenda taka vit samanum
Hans Hjalte Skaale syngur og spælir, Árni Jakobsen yrkti. Vísan varð send í Plátubarrini gamlaárskvøld 2024.
01-01-2025
TEMAPLÁTAN 40, Saman við tær, Frændur, 1984 + Steintór Rasmussen luttøka
Frumútgávan frá '84, 'Saman við Tær'. Hon er bæði protestvísur og veitslusangur - alt í senn. Vit skála við Hundinum brúna, samstundis sum hann er ímyndin av teimum fátæku.
31-12-2024
TEMAPLÁTAN: 'The Montreaux Album', Smokie, 1978
'For a Few Dollars More' og 'Mexican Girl' eru tvey av løgunum á hesi vælumtóktu plátu eftir Smokie. Talan var um endan á samstarvinum við Mike Chapman og Nicky Chinn.
27-12-2024
TEMAPLÁTAN: 'Metallica', Metallica 1991 - tann óskerda netútgávan
Talan er um størsta Metallica rokkvarðan, ið vanliga verður kallaður 'svarta albumið'. 'Enter Sandman' og 'Nothing Else Matters' eru kendastu løgini. Øll 12 løgini eru við.
27-12-2024
TEMAPLÁTAN: 'The Christmas Present', Robbie Williams, 2019
Innspælingar av gomlum jólaløgum sum 'Let it Snow! og 'Merry Xmas Everybody', men eisini nýskrivaðir sangir sum 'Bad Sharon', 'Can't Stop Christmas', og 'Time for Change'.
21-12-2024
TEMAPLÁTAN 40: 'Purple Rain', Prince & The Revolution, 1984
Prince var tað størsta popp-navnið í 1984; júst tað árið var ongin yvir honum. 'When Doves Cry', 'Let's Go Crazy', og 'Purple Rain' herjaðu heimsins popptindar í '84 og '85.
14-12-2024
TEMAPLÁTAN 40: 'Agent Provocateur', Foreigner, 1984
Tann fimta heildarútgávan hjá Foreigner við løgum sum 'I Want To Know What Love Is' og 'That Was Yesterday'. Talan er um einasta album-plettskot bólksins í Bretlandi.
07-12-2024
TEMAPLÁTAN 40, 'Isolation', Toto, 1984
Samanborið við plátuna frammanundan, Toto 4, var hetta ein øðrvisi útgáva. Hon hevur tó sínar perlur; eitt nú 'Endless' og 'Change of Heart', umframt hittið 'Stranger i Town'.
30-11-2024