Plátubarrin

TEMAPLÁTAN: 'Moirae' 1996 - øll løgini og prát við Terja og Kim
15-03-2025
Eftir at hava vunnið Prix Føroyar kom Moirae bólkurin við fyrru útgávu síni, ið hevur popp- og rokkløg sum 'Tú', 'Eg flýggi til tónleikin', 'Myndugleikin', og 'Rúsevnistoka'.

Sjálvheitisfløgan hjá Moirae hoyrist framvegis í føroyskum útvarpi. 'Longbrá', 'Vónloysi', 'Vátir logar', 'Tú', 'Eg flýggi til tónleikin', 'Myndugleikin', og 'Rúsevnistoka' eru dygdarløg, umframt onnur, sum Kaj Johannesen, sáli, skrivaði einsamallur. Í prátinum við Kim Hansen og Terja Rasmussen verður týdningurin av tí Kaj Johannesen megnaði, lýstur, og sagt verður m.a. eisini frá tónleika- og lívsskeiðnum hjá teimum báðum. Í løtum er prátið álvarsligt, men fyri tað mesta lætt og stuttligt; til dømis tá Terji og Kim siga søguna um stóra hittið, 'Tú'. Annar nógv spældur sangur, 'Rúsevnistoka', har Gentukórið í Nólsoy er við, tekur beinleiðis støði í húsinum, har Terji og Kim búðu í felagsskapi eitt skifti. Har var nógv balling og eisini 'syrgiligar lagnur' komu á gátt.

Talan er um eitt rokkverk við nógvum ymiskum íblástri og tí er tað rættiliga fjølbroytt. Ljóðdygdim er eisini góð. Jón McBirnie tók upp í West River Recordings, hann spælir eisini við á einstøkum løgum. Uttanhýsis gestatónleikarar, lagskrivarar, og tøkningur tóku eisini lut. Óli Poulsen mixaði í Sun Studio, Keypmannahavn.

Moirae høvuðsmanningin:

Terji Rasmussen, sangur og kór
Kim Hansen, tangentar, sangur og kór
Mikkjal Joensen, bassur
Hjalti Joensen, gittarar
Kaj Johannesen, slagverk og trummur, sangur og kór

Plátubarrin 1. og 15. mars 2025. Upptøkan varð býtt í tvey og send í tveimum Plátubarrum, meðani alt tilfarið varð lagt saman til hesa netúgávu. Samrøðan varð gjørd tann 27. februar í tónleikabarrini, Maggie's, í Nólsoy.

 

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00. Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt. Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin. Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.
Útgávan er nr. 13 á yvirlitinum yvir mest keyptu Elton John pláturnar, tá eru savnsútgávur íroknaðar
26-04-2025
Hetta heildarverkið er nummar ellivu á yvirlitinum yvir albumsølu hjá ABBA. Tó skal viðmerkjast, at av ellivu teimum fyrstu útgávunum eru seks teirra hitt-savnsplátur.
19-04-2025
'Jagged Little Pill' var plettskot á albumlistunum í 13 londum.
14-04-2025
Back in Black hevur eitt størri sølutal enn 'Dark Side of the Moon' hjá Pink Floyd, ella 'Rumours' hjá Fleetwood Mac. Einans 'Thriller' hjá Michael Jackson er seld oftari.
29-03-2025
Talan er um eina góða poppplátu, tó undirtøkan var heldur lakari enn í samband við ta fyrstu ensktmæltu útgávuna hjá Agnethu Fältskog.
22-03-2025
Eftir at hava vunnið Prix Føroyar kom Moirae bólkurin við fyrru útgávu síni, ið hevur popp- og rokkløg sum 'Tú', 'Eg flýggi til tónleikin', 'Myndugleikin', og 'Rúsevnistoka'.
15-03-2025
Kendastu løgini á hesi frumútgávu eru 'Smooth Operator', "Your Love is King", og "Hang On to Your Love". Talan er um popp og r&b.
08-03-2025
'Man on the Silver Mountain' og 'The Temple of the King' eru stóru rokkklassikararnir frá hesum fyrsta verki Blackmore's uttan Deep Purple.
22-02-2025
Nakrir av størstu klassikarunum hjá Whitney Houston eru at finna á hesum frumalbum frá 1985, ið er selt áleið tað sama sum onnur útgávan, 'Whitney', frá 1987.
15-02-2025
'These Dreams', 'What About Love', 'Never', og 'Nothin' At All' eru a-síður frá hesi úgávu, ið bar sjeytiárabólkin Heart fram í kastiljósið av nýggjum. Eitt stórt come back.
08-02-2025
Tað tók sína tíð at geva nakað út hjá suðuroyarbólkinum, Starlight, sum var eitt vælumtókt popporkestur fyrr. Niclas Johannesen og Óli Poulsen hava framleitt og miksað.
08-02-2025
Ace of Base er triðstørsta navnið í svensku tónleikasøguni. Talan er um ein dub-reggae stíl, sum altjóða poppmarknaðurin í nítiárinum tók sera væl ímóti.
01-02-2025