TEMAPLÁTAN: 'Back in Black', AC/DC, 1980

29-03-2025

Back in Black hevur eitt størri sølutal enn 'Dark Side of the Moon' hjá Pink Floyd, ella 'Rumours' hjá Fleetwood Mac. Einans 'Thriller' hjá Michael Jackson er seld oftari.

Harð-rock plátan 'Back in Black' hjá australska bólkinum, AC/DC er ein av heimsins mest keyptu útgávum. Seinasta uppgerðin sigur 50 milliónir seld eintøk, tó torført er at eftirkanna talið. Onkuntíð eru 'væntað' søla og óseldar goymslur íroknaðar sølutøl fyri tónleik. Henda AC/DC heildarútgávan varð givin út tann 25. juli í 1980 hjá Atlantic Records og tað var tann fyrsta við enska Brian Johnson á forsangi. Hann kom ístaðin fyri Bon Scott, sum fyrr um árið var deyður. Her í 2025 livir plátan enn væl og heimsins mongu útvarpsstøðir spæla framvegis løg sum 'You Shook Me All Night Long', 'Hells Bells', og 'Back in Black'.

Við 'Let There Be Rock' útgávuni gjørdi AC/DC tann fyrsta stóra vørrin í 1977. Í 1979 kom stóra søluframbrotið, 'Highway To Hell', meðani AC/DC manning gjørdi bart við hesari temaplátu, 'Back in Black', ið so at siga onga kapping hevði um tað mundið í 1980-81; somikið nógv varð hon keypt. Kravgangur var eisini eftir fleiri av singleplátu a-síðunum frá albuminum, til dømis eru fleiri enn 11 milliónir eintøk av 'Back in Black' heitislagnum farin um søludiskin. Framleiðarin fær ein part av heiðrinum fyri hetta. Hann var Robert 'Mutt' Lange, sum umframt 'Highway to Hell' og 'Back in Black' eisini legði til rættis upptøkuna av 'For Those About to Rock (We Salute You)' fyri AC/DC í 1981.

Plátubarrin 29. mars 2025

Plátubarrin

Plátubarrin er ein undirhaldssending við tónleiki í vetrarskrá Kringvarpsins. Sendingin er eisini interaktivt útvarp, og senditíðin er leygarkvøld frá klokkan 20:00 til klokkan 2:00.

Hvør sending byrjar við eini hugleiðing, ið byggir á eygleiðing av menniskjans atferð. Síðani verður Vertsins løta send til klokkan 20:45, tá tátturin Temaplátan fer frá, eins og annað tema er á skránni stutt fyri miðnátt.

Nærum tveir triðingar av Plátubarrini eru við lurtaraynskjum, ið sendast kunnu til nummar 224000, ella sum telduboð til facebooksíðuna, Plátubarrin.

Verturin, Jákup Magnussen, byrjaði at gera tónleikasendingar fyri Útvarp Føroya í 1982, og varð útbúgvin journalistur í 1993. Plátubarrin varð ljóðsett tann 16. februar í 2013.

TEMAPLÁTAN: 'Gemini', Gemini, 1985 - ABBA aftaná ABBA

Onkuntíð heldur tú teg vera í tónleikaheiminum hjá Abba, aðrar løtur á ferð við Chess. Soleiðis er henda Temapláta hjá Gemini. Kendasta lagið er 'Another You, Another Me'.

07-03-2026

TEMAPLÁTAN: 'Centerfield', John Fogerty, 1985

Tann triðja og eisini best umtókta heildarútgávan, sum John Fogerty hevur givið út sum einstaklingur. Kendastu løgini eru 'The Old Man Down the Road' og 'Rock and Roll Girls'.

28-02-2026

TEMAPLÁTAN: 'Into The Gap' og aðrar útgávur, Thompson Twins 1983-1984-1985

Into The Gap var ein av stórsøluplátunum í 80'unum, harav kendasta lagið er 'Hold Me Now'. Í hesum sambandi hoyra vit eisini onnur TT løg, so talan er um heildarsending.

21-02-2026

TEMAPLÁTAN: 'Blackout', Scorpions, 1982

'Blackout' var fyrsta útgávan hjá Scorpions við einum stórum hitti; nevniliga 'No One Like You'. Hetta var eisini byrjanin til eina heilt aðra tíð hjá Scorpions. Meira poppur.

14-02-2026

TEMAPLÁTAN: 'Sleeping With The Past', Elton John, 1989

Talan er um einasta album-plettskotið, sum Elton John hevði á heimliga UK Albums Chart í øllum fýrsunum. Afturfyri hevur útgávan so vøkur løg sum 'Sacrifice' og 'Whispers'.

07-02-2026

TEMAPLÁTAN: 'British Steel', Judas Priest, 1980

Útgávan hevur tann kendasta Judas Priest sangin, Breaking The Law, og hon er kanska kendast av øllum Priest útgávum, men er ikki tann mest selda.

10-01-2026

TEMAPLÁTAN: Everything, The Bangles, 1988

Kendastu løgini eru Eternal Flame og In Your Room. Hetta var triðja og seinasta úgávan, áðrenn bólkurin gavst at spæla. Tær komu saman aftur í 1998.

03-01-2026

Gott nýggjár í Plátubarrini: 'Hjarnar 50 ár í føroyskum rokki'

Fimm Hjarnar tónleikarar vitjaðu Plátubarrina gamlaárskvøld ´'25, har verturin hevði gjørt ein playlista frá øllum Hjarnar tónleikaskeiðnum, og teir greiddu vælhýrdir frá.

31-12-2025

PLÁTUBARRIN: Tað verður ikki alt fleytir, ið tyril kemur í..

..ið merkir, at tað krevst meira enn eitt til at fáa tað besta burturúr. Við hesum í huga er TYRIL nú eisini komin við aðru útgávu síni, 'Sparkling Glows', ið man hava munin.

27-12-2025

TEMPALÁTAN 30: 'What's the Story (Morning Glory)', Oasis, 1995

Temaplátan var yvirhøvur mest keypta bretska útgávan í nítiárunum. Í Bretlandi vann hon 14 ferðir platin. Í heimshøpi er hon í 2025 tølum seld í fleiri enn 20 mill. eintøkum.

20-12-2025

TEMAPLÁTAN: 'Difficult to Cure' hjá Rainbow í 1981 + eykaløg

Talan var um fimta Rainbow heildarverkið og sangarin, Joe Lynne Turner, var nýggjur í bólkinum. Fyrsta DTC staklagið, 'I Surrender', rakk til triðjaplássið á UK Singles Chart.

13-12-2025

TEMAPLÁTAN: 'A Night at the Opera' hjá Queen í 1975

'Bohemian Rhapsody', 'Love of My Life', '39, 'You're My Best Friend' eru klassikarar, sum vit spæla framvegis. Útgávan er ongantíð gloymd, nýggju ættarliðini fegnast eisini.

29-11-2025