Súrligar nætur: Karl Weihe elskar stórar rumpur

13-03-2024

Føroyski luttakarin í Paradise Hotel er millum evnini, sum verða umrødd í hesum parti av Súrligum náttum.

Bárður, David og Rannvør eru, eins og reality-stjørnan Karl Weihe, tjekkað inn á Paradise Hotel Norge. Í partinum tosa tey um hann, og hvussu hann hevur klárað seg higartil. Tey meta eisini um, um hann kann loyva sær at kalla seg tónleikara, model og stjørnu í Danmark. David, sum tann upplýsandi persónurin hann er, hevur tikið nakrar hendingar við í sendingina, sum hann vil lufta við hinum báðum. Og nógv hendir í Føroyum, bæði FMA og ein íspunnin søga um Johan Dahl, sum møguliga gevur honum heitið “Daddy Dahl”.

Súrligar nætur

Súrligar nætur er útvarpssending, har trý ung tosa um tað, sum rørir seg í Føroyum og Danmark. Tey viðgera evni, sum ung tosa um sínámillum, viðgera ymiskt, tey hava sæð á netinum, og so halda tey seg ikki aftur við at prika til hvønn annan og onnur.

Bárður Petersen, David Thomassen og Rannvør F. Eyðunsdóttir leggja til rættis