Rannvør og David eru møtt upp í øðrvísi klæðum til dagsins sending, og bárður hevur ikki ordiliga fingið við hvat gongur fyri seg. 

Okkara rapportari, Hendrik, tekur Rúna Djurhuus við at dyppa. Rúni er serstakliga pressaður av kuldanum og tað hoyrist. 

Bjørt Lind, Knút Háberg Eysturstein og Bárður Petersen kjakast um tónleika festivalar og konsert dagar. Kjakast verður millum annað um, um vit liva í einum donskum veruleika, um endamálið tá booka verður til tónleika tiltøk og um festivalar eiga at læra okkum nakað tá tað kemur til tónleikin. 

At enda hoyra vit eisini boði hjá Ronju Rasmussen (Ronja) uppá ársins summarhitt.