- Tíðindi, mentan og ítróttur
Við Tórði á túri
Trongisvágur er í Tvøroyar Kommunu, men er ein nógv eldri bygd enn Tvøroyri. Fjørðurin eitur eisini Trongisvágsfjørður.
Viberg Sørensen, sum er uppvaksin og býr framvegis í Trongisvági, greiðir frá ymiskum viðurskiftum í heimbygdini.
Dorthea Stórhamar er ættað av Tvøroyri, men hevur nú búð í Trongisvági í meira enn 30 ár, og hon trívist avbera væl longur inni á fjørðinum.
10 ára gamli Bergur, 11 ára gamli Ari og 13 ára gamli Jónas hava allir tríggir sera stóran seyðahug, og heystið er ein serlig tíð hjá teimum.
Tann søguliga klappjaktin í Trongisvági er ein stoltleiki hjá bygdini, og í hesum døgum fyrireika teir seg til klappjaktina í ár. Bergur Stórhamar greiðir frá standmyndini, og Hallur í Heiðunum, Birgir Strøm Rasmussen og Einar Petersen greiða frá veiðitúrunum.
Um fáar dagar fara átta fólk úr Trongisvági til Kenya at arbeiða á einum barnaheimi har. Teirra millum eru Elin Enni og Bjørg av Rana, sum greiða frá hjálpararbeiðnum í Kenya.
Við Tórði á túri
Tórður Mikkelsen vitjar bygdir og býir kring landið við mikrofonini og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum.
