Hann kom longu 19 ára gamal upp í politikk, tá ið hann sum landingarmaður á Kósini var valdur í Klaksvíkar býráð. Longu trý ár seinni kom hann buldrandi inn á løgtingið við 998 atkvøðum, og í 2022 fekk hann 1688 atkvøður, nú hann sum bara 25 ára gamal hevði yvirtikið formanssessin í Fólkaflokkinum, sum hevði stórar trupulleikar innanfloks.

Við Beini við róðrið er Fólkaflokkurin reistur aftur, og tað er við einum formanni, sum er grundleggjandi øðrvísi enn sínir undanmenn. Beinir Johannesen viðgongur í hesi samrøðuni, at hann er meira introvertur enn ekstrovertur, men tað hevur hann arbeitt við.

Eitt, sum nógv siga um Beinir Johannesen sum persón er, at hann er ein ógvuliga fittur og fyrikomandi persónur.

Sjálvur heldur Beinir Johannesen, at hetta eru eginleikar og virði, sum hann hevur fingið lagt í seg frá barnsbeini.

Hoyr samrøðuna við Beinir Johannesen, har vit eisini koma inn á hansara bakgrund, uppvøkstur og hvat hann leggur dent á sum ungur formaður í einum politiskum flokki.