- Tíðindi, mentan og ítróttur
Vikugesturin
- Uni er stutt sagt tann størsti nørdurin, eg havi møtt. Hann er ein heilhjartaður persónur, og tað, sum hann ger, tað ger hann ordiligt.
Soleiðis er skotsmálið frá vininum síðan 1. flokk, Niels Arge Galan, tá ið hann skal lýsa Una Árting, ið vit kenna sum mannin, sum seinastu mongu árini hevur greitt frá um jarðfrøði í Føroyum, Íslandi og Grønlandi - og nú eisini á Mars.
Fríggjadagin fekk Uni Árting, jarðfrøðingur, miðlaheiðurslønina hjá Granskingarraðnum fyri at duga væl at miðla sína vitan og gransking til almenningin á ein lætt skiljiandi, fangandi og kjakkveikjandi hátt.
Í hesi samrøðuni koma vit inn á mangt og hvat, sum Uni Árting fæst við. Alt frá tónleik og list til gransking og dart. Og onkursvegna fær hann alt at hanga saman, hóast tað onkuntíð stendur á.
Hoyr samrøðuna við Una Árting, har tosað verður um miðling, gransking, tónleik, dart og ikki minst familjuna.
Vikugesturin
Vikugesturin er gestur í Vikuni hvønn leygardag. Vikugesturin er ein persónur, sum á onkran hátt er áhugaverdur beint nú. Vit taka støði í tí, sum er aktuelt, men vit fara eisini aftur um persónin og lýsa síður, sum annars ikki eru kendar. Spurningarnir kunnu bæði vera hvassir og kínandi. Tónin er kerligur og kontantur.
