Vikuskiftissendingin var á gátt í plátuhandlinum Tutl og prátaði við Fríða Djurhuus, Sigmund Zachariassen og Jónsvein Mikkelsen úr Joe and the Shitboys. Tað var í sambandi við, at teir skulu hita upp fyri sjálvan Iggy Pop. Vit ringdu til Benjamin Rajani, sum gevur út nýtt staklag. Klaksvíksbólkurin Adrenaline var á gátt í sambandi við nýtt lag. Alfred og Steen Rói Lorentzen vóru á gátt í sambandi við tiltakið Illtonkt. Í sama viðfangi spældu vit eitt nýtt lag hjá Swangah. Bogi Andreassen var á gátt í sambandi við framsýning í Gallarí Havnará. Vit ringdu til Urd Johannesen um konsert í Løkshøll. Vit ringdu til Óla Mittún, sum skal í veitslu hjá danska konginum. Vit vóru á gátt í Kunningarstovuni í Havn, har Daniella Hentze Danielsen greiddi frá um tiltøk í Havn um vikuskiftið. Kristina Gry Berg var á gátt og greiddi frá um tiltøk í Fuglafirði. Vit vóru á gátt í stórhøllini við Tjarnir og fingu orð á Sámal Ravnsfjall, Jan Rúna Poulsen, Kristoffer Mørkøre, Hans Marius Ziska, Finn Hansen, Atla Petersen og Magnus Johannesen í sambandi við konsertina hjá Føroya Symfoniorkestri. Solistar eru Sámal Ravnsfjall, Jóan Jakku Guttesen, Magnus á Stongum, Lea Kampmann og Marius Ziska. Umftamt tað hevur FSO eitt klassiskt repertoire. Gott vikuskifti. :-)