Vit ringdu til Anfinn Nielsen um Femi-tiltak. Vit ringdu til Dagfinn Olsen um nýtt lag hjá bólkinum Hvarv. Vit ringdu til Kristinu Gry Berg um tiltøk í Fuglafirði. Vit ringdu til Eyðstein Zachariassen í sambandi við, at Sunda kommuna fyllir 20 ár. Vit ringdu til Otto Gram um FM finalurnar fyri tey ungu á Tvøroyri. Vit vóru á gátt í Kunningharstovuni í Havn og frættu um tiltøk um vikuskiftið. Vit vóru á gátt í einum tónleikavenjingarhøli í sambandi við tiltakið Femininomen og sendingina Plátupanelið í KVF, har vit prátaðu við Guðrið Hansdóttir, Jasmin Mote, Vár Miðberg, Ingu Laksafoss og Elin Mariu Hansen. Brandur Mortensen frá Javnstøðunevndini vitjaði sendingina og greiddi frá einum tiltaki um fosturtøku. Og so fingu vit vitjan av Anniku Hoydal, Torleik Mortensen og Benjamin Petersen í sambandi við, at tey skulu spæla konsertir um landið um vikuskiftið. Gott vikuskifti! :-)