Føroya Symfoniorkestur fer um vikuskiftið at hava barnakonsertir í NLH og Varpinum í Klaksvík. Talan er um verkið Veiða vind eftir Kára Bæk og Rakel Helmsdal. Janus á Húsagarði hevur gjørt myndir til. Vit vóru við til venjingina hóskvøldið, har vit prátaðu við klaverspælaran Mathias Kapnas og Annfinn Heinesen, sum er frásøgufólk.<br/>
Maðurin, sum stovnaði kenda amerikanska bólkin Black Eyed Peas er í løtuni í Føroyum saman við trimum øðrum amerikanskum tónleikarum. Tað er undir heitinum Butter Funk Family. Tey skulu spæla saman við føroyskum tónleikarum um vikuskiftið, bæði í Tøting í Syðrugøtu og OY í Havn. Vit vóru við til venjingina mikukvøldið í Hoydølum í Havn, har vit prátaðu við oddamannin, sangaran og trompetistin Printz Board, sangarinnuna Alana Hill og guitarleikaran Nadav Peled - umframt Mikael Blak (bass), Per Højgaard Petersen (trummur) og Rógva á Rógvu (slagverk).<br/>
Vit eru komin út í apríl mánaða, og matstovurnar byrja so smátt at vakna úr vetrarsvøvni. Matstovan Ræst fær forkunnuga vitjan um vikuskiftið. Vit vóru á gátt á Ræst og prátaðu við Karin Visth, matstovuleiðara.<br/>
Hvat hendir í Havn og Klaksvík um vikuskiftið? Vit vóru á gátt í kunningarstovuni í Havn og prátaðu við Benjamin Tausen á Lava, umframt at vit ringdu til Sigrið Mikkjalsdóttir í Norðoya Kunningarstovu í Klaksvík.<br/>
Leivur Thomsen legði sendingina til rættis<br/>
Gott vikuskifti! :-)