Vit vóru á gátt í Hoyvíkar kirkju í sambandi við, at Tórshavnar Kamarkór fyllir 40 ár og í tí sambandi skal hava konsert í kirkjuni leygardagin. Vit prátaðu við Lovisu Petersen Glerfoss, Hervør EYðunsdóttir og Ólav á Váli Olsen, sum øll trý syngja við kórinum. Um vikuskiftið verður altjóða dartkapping í Havn. 192 luttakarar úr 11 ymsum londum luttaka. Eyðun Samuelsen frá Havnar Dartfelag var á gátt og greiddi frá. Altjóða saksofonfestivalurin Nordic Saxophone Festival vitjar í Føroyum. 40 útlendskir saksofonistar koma at spæla. Konsertirnar byrja leygardagin og enda mikudagin. Kristina Thede Johansen, samskipari, var á gátt og greiddi frá. Eisini spældi Mario úr Spaniu fyri okkum. Summarfestivalurin kunnger nýtt navn. Vikuskiftissendingin var á staðnum - Klaksvík - og tosaði við Erik Biskupstø. Vit vóru á gátt í kunningarstovuni í Havn og frættu frá Benjamin Tausen á Lav um tiltøk í Havn um vikuskiftið og á páskum. Umframt tað ringdu vit til Klaksvíkar og prátaðu við Sigrið Mikkjalsdóttir um tiltøk í Norðoyggjum. Leivur Thomsen og Tróndur Vatnhamar gjørdu sendingina. Gott vikuskifti. :-)