Filip Mortensen, sangari og sangskrivari, var á gátt í sambandi við konsert í OY undir heitinum "Alias Moreira". Dan Joensen, fyriskipari, var á gátt í sambandi við Okkara Land, sum verður 21. juni. Vit vóru á gátt í Steinprenti, har forvitnislig framsýning við peter Callesen og Anne Riis Bobjerg letur upp um vikuskiftið. Vit ringdu til Íslands til svensku sangarinnuna Anna Kruse í sambandi við, at hon kemur til Føroya við sínari trio at framføra yrkingar eftir svenska skaldið Edith Sødergran. Kenda sjónleikarakvinnan Stina Ekblad verður við henni umframt føroyska Angelika Hansen. Vit vóru á gátt í Smiðjuni í Lítluvík og prátaðu við limir í myndafelagnum Fokus, har tey hava framsýing um vikuskiftið. Vit ringdu til John Andersen frá 4 fýrum um eitt tiltak við teimum.Vit vóru á gátt í Kunningarstovuni í Havn og prátaðu við Benjamin Tausen á Lava um tiltøk í Havn um vikuskiftið.<br/>
Tróndur Vatnhamar og Leivur Thomsen løgdu til rættis.