Jørn "Jønke" Nielsen var í sendingini saman við sínum føroyska verti, Høgna Mohr. Jønke greiddi frá um sítt lív sum rokkari og um, tá hann drap "Makrelin", sum var høvdingi fyri rokkaraklubban "Bullshit". Eisini greiddi hann frá um sín skaldskap. Petur Fjalsbak, Jens Eli Ellefsen og Hans Oluf Johannesen vóru á gátt og greiddu frá um nýggja útgávu hjá bólkinum 21knm. Daniella Hentze Danielsen frá Visit Tórshavn greiddi frá um tiltøk í Havn um vikuskiftið. Anna Iachino og Arnold Ludvig greiddu frá um tiltakið Open Mic í Reinsaríinum í Havn, sum hevur 10 ár á baki. Guðrið Hansdóttir var á gátt viðo nýggjum lagi hjá bólkinum Byrta. Í tí sambandi var Torkil Johannesen eisini við okkum. Gunnar Dahl Olsen greiddi frá umvegis telefon um súkkling. Terji Rasmussen greiddi frá um konsert. Umboð fyri bátastevnu í Vestmanna var við okkum umvegis telefon. Rani Dahl Olsen greiddi frá um vakurleikakapping í Danmark, sum hann hevur vunnið. Gott vikuskifti.