Paula Eikhólm, umboð fyri Sundalagsstevnuna, var á gátt at greiða frá um stevnuna um vikuskiftið. Vit vóru á gátt í Gallarí Havnará, sum hýsir framsýning hjá Føroyskum Myndlistafólkum við evninum "sjálvsmyndir". Vit hittu í tí sambandi Ole Wich og Bárð Dahl Christiansen. Danny Baldursson var á gátt við nýggjum lagi hjá Danny and the Weetos. Vit vóru á gátt hjá Visit Tórshavn, har Benjamin Tausen á Lava greiddi frá um tiltøk í Havn um vikuskiftið. Og síðst, men ikki minst, var Graham Stewart gestur í vikuskiftissendingini. Hann er tónleikaaktuellur við nýggjari útgávu saman við beiggja sínum Neil. Teir eru eisini báðir myndlistamenn og fara at hava bæði konsertir og framsýningar í Føroyum í summar. Leivur Thomsen gjørdi sendingina. Gott vikuskifti. :-)