Vit vóru á gátt í Smiðjuni í Lítluvík, har Durita Restorff Dam og Jórun Dánjalsdóttir Poulsen hava framsýning. Vit vóru á gátt í Vesturkirkjuni, har Tórshavnar Manskor fer at hava sína árligu jólakonsert. Gestakór er Eystanljóð úr Gøtu/Leirvík. Vit prátaðu við Magnus Hansen og Janus Poulsen úr Tórshavnar manskóri umframt Benjamin Gásadal, kórleiðara hjá Eystanljóði, Sigvør Laksá nevndarlim í Eystanljóði og Jansy Biskupsstø, forkvinnu í Eystanljóði. Harumframt tosaðu vit við Tóru Vestergaard, sum skal syngja solo saman við Tórshavnar manskóri. Vit vóru á gátt hjá Visit Tórshavn og prátaðu við Filip Mortensen um tiltøk í Havn um vikuskiftið. Vit fingu vitjan av Steen Róa Lorentzen og Ragnar Davidsen frá Swangah um tiltakið Illtonkt. Vit prátaðu við Sigrið Mikkjalsdóttir frá Visit North um tiltøk í Norðoyggjum. Vit fingu vitjan av Rúna Djurhuus í sambandi við, at eitt navn verður kunngjørt til Voxbotn 2026. Vit fingu (ikki) vitjan av Bjøllubandanum, sum fer at hava jólakonsertir um vikuskiftið.