- Tíðindi, mentan og ítróttur
Málteigurin
Eitur tað skaddur í kallkyni og skødd í kvennkyni?
Hoyrdi útvarpsvert siga, at ein spælari sat á beinkinum, tí hon var nakað skødd, og eg sá eina løgna mynd fyri mær, hvussu hon kundi verðið betri skødd.
Soleiðis skrivar lurtari til Málteigin.
Elin Henriksen, málkøn, greiðir frá umljóði og sigur, at tey eru ikki altíð líka gjøgnumførd, og tí ber til at siga bæði skødd og skadd við júst hesi merkingini.
Orðið, 'testa' verður brúkt í sambandi við bæði eitt og annað, men kunnu vit ikki finna eitt annað orð, spyr lurtari.
- Júst í koronustøðuni hevði verið betri at brúkt kanna, heldur Elin Henriksen.
Fleiri ymisk evni
Í sendingini verður eisini tosað um orðingina, at biðja upp bønarorð, um hatta og hetta, sum í talumáli ofta verður sagt hattar og hettar og um tað eitur tíverri ella tíanverri.
Rumbuldós, sum stavar frá gomlum spæli, hevur fingið nýtt lív, eftir at Stongum og Guttesen góvu sangin, Rumbuldós, út í fjør, og nógvir lurtarar skriva til sendingina og minna á gamla spælið.
Harafturat tosa vit um orðini 'civil' og lang ella long.