Málteigurin

Tekstarar mugu hugsa um málbólkin
06-12-2021
Tá samsvar ikki er millum tekst og talu í tekstaðum sendingum, er tað umráðandi at hugsa um móttakaran, men tað er eisini umráðandi at hugsa um sendingastílin

Dagur og vika er tekstað á netinum, og tá tíðindasendingin verður endursend á kvøldi, men tað er ofta, at tað ikki samsvar millum tað, sum verður sagt, og tað, sum verður skrivað í tekstinum, tí tann tosandi brúkar talumál og útlendskar orðingar, meðan tekstingin er skrivað við skriftmáli.

Hvørji eru fyrilitini, ið vísast skulu, tá tað kemur til teksting, og hvar gongur markið millum talu- og skriftmál?

- Ikki lætt at taka støðu til. Men spurningurin má fyrst og fremst vera: hvørjum verður tekstað fyri? Tað eru saktans tey, sum ikki hoyra tað, sum verður sagt, sigur Elin Henriksen, málkøn.

Tað veldst eisini um, hvat fyri sending talan er um, tí stílurin kann hava avgerandi týdning fyri uppfatanina hjá móttakaranum.

 

Foreldur

Eg havi lært, at foreldur er eitt fleirtalsorð, men í nýggja lógaruppskotinum um foreldramyndugleika, er orðið brádliga vorðið eintalsorð. Soleiðis skrivar lurtari, sum kundi hugsað sær at fingið eina frágreiðing um hví, nær og hvør hevur tikið hesa avgerð.

Elin Henriksen er limur í starvsnevndini hjá Málráðnum og hevur tí verið partur av viðgerðini um hendan spurningin.

Hon greiðir frá, at tað er tørvur á einum eintalsorði fyri foreldur í til dømis nýggjum lógartekstum, og tað er í hesum sambandi, at Málráðið hevur viðgjørt spurningin og samtykt, at foreldur eisini kann vera eintalsorð.

Málteigurin

Føroyskt mál og mállæra eru til viðgerðar í sendingini Málteigurin, har Elin Henriksen er gestur. Fleiri evni verða tikin upp hvørja ferð, og lurtarar kunnu eisini senda spurningar og viðmerkingar inn til sendingina, sum eisini verða svarað og viðgjørd. Sendingin er at hoyra hvønn mánamorgun klokkan 9.05 og endursend leygardag klokkan 14.00.
Tað er ymiskt, hvørjum føllum ymisk sagnorð stýra. Uttan at hugsa okkum um siga vit at vaska bilin, men vaska barninum. Hví er tað so? Elin Henriksen greinar sagnorð og føll
18-09-2023
Orðini sjálv/ur og einsamøll/mallur verða ofta blandað. Ert tú sjálv inni, ella ert tú einsamøll inni? Elin Henriksen, málkøn, greinar munin
11-09-2023
Tá ið vit vísa tolsemi, eru vit rúmlig og góðtakandi, meðan tol merkir at vera tolin. Hesi bæði, tol og tolsemi, verða ofta blandað
04-09-2023
Ynskisháttur verður so at siga bert brúktur í føstum orðasambondum, og tí er næstan altíð talan um boðshátt, sum hevur ð í fleirtali. Latið bara vera við at hugsa um ynskishát
26-06-2023
Fyrr hóskaði myndin av pisu sera væl til føroyskar studentar, tí tey ungu vóru klár at fara á flog úr reiðrinum til Danmarkar at lesa víðari. Myndin er øðrvísi í dag
19-06-2023
At vakna upp og steingja upp eru dømi um danismur, tí á føroyskum siga vit vanliga, at vit vakna, og vit steingja. Einki upp verður lagt afturat
12-06-2023
Størsti parturin av sendingini er um danismur. Orðingar sum "hetta skal síggjast í ljósinum av", "Føroyar eru komnar í ringt ljós" og aðrar eru til viðgerðar
05-06-2023
At vera borin halakukk er vanlig orðing á føroyskum. Vit tosa um upprunan til orðið
22-05-2023
Lurtari spyr, nær vit brúka orðið, longur, og nær vit brúka orðið, longri. Mállærureglurnar eru greiðar, men ikki allir málfrøðingar eru samdir
15-05-2023
Tað er sera ymiskt, um fólk siga, hvat ella hvør er støðan, munurin og trupulleikin. Svarið er torskilt, tí tað er munur á spurnarfornøvnum og spurnarhjáorðum
08-05-2023
Bakið og ryggurin eru hvør sítt. Ryggurin er ryggjageislarnir, meðan bakið er uttaná
01-05-2023
Hóast bæði hiti og varmi eru gomul, norrøn orð, so er hiti meira góðkent enn varmi
24-04-2023