- Tíðindi, mentan og ítróttur
Málteigurin
Í bókini hjá Sólrun Michelsen las eg at Helena bant eina triðingstroyggju. Hvat er ein triðingstroyggja?
Tað er eitt slag av løn fyri arbeiði, ein triðingsgerð, greiðir Elin Henriksen, málkøn, frá.
Ognarleys fólk kundu fyrr í tíðini biðja sær ull at virka og binda til pløgg. Tá ið tey høvdu bundið tríggjar troyggjur (ella onnur pløgg), fekk tann, sum læt ullina, tvær troyggjur, og tann, sum bant tær, fekk eina troyggju til sín sjálvs.
Nógvir ymsir spurningar
Fleiri ymisk evni eru á skránni í hesi sending, og ymsu spurningarnir ljóða soleiðis:
Hann kláraði tað so dánt, hví siga vit soleiðis, og hvaðani stavar tað?
Hvat er munurin á tá og tá ið, og hvussu brúka vit máliskuna hava ella vera lív laga.
Orðið, besnissaður kemur av enska orðinum business. Er tað møguligt, at fryntligur kemur frá enska orðinum friendly?
Ein vinmaður nevndi fyri mær, at orðini 'pretty' og 'handsome' úr enskum næstan altíð brúkast til ávíkavist konufólk og mannfólk. Hava vit líknandi orð á føroyskum?