Hvat er tað rætta? Eg eri púra samd við hana ella henni?

Rættiliga mong siga henni, hóast tað málsliga rætta er hana. Her er talan um eina málbroyting, sum er í ferð við at henda. Hon er ikki gjøgnumførd enn, tí tað eru nøkur, ið siga hana, men tey allarflestu siga henni. 

Fyrisetingin, sum vit viðgera í hesi sendingini, er við. 

Í sambandi við hetta orðið kunnu vit byrja við somu meginreglu, sum vit annars hava brúkt, greiðir Elin Henriksen frá.

Hvønnfall hevur við broyting at gera, og hvørjumfall við onga ella minni broyting. Í sambandi við “við” orða vit hesa meginreglu eitt sindur øðrvísi:

Eftir “við” stendur námind (t.v.s. nær við okkurt) í hvønnfalli.

Dømi: Vit búgva nær við býin, sita tætt við borðið, ganga uppi við ánna.

Og tann ella tað, sum ein gerð er vend ímóti, ella ger okkurt við, er í hvønnfalli.

Dømi: Hon spældi við hana. Hann segði tað við meg. Omman er blíð við hana. Eg eri samd við teg.

Manga takk og binditoy

Lurtari vil vita, hvi vit siga manga takk, men manga (úttalað við e) ferðina?

Bleiv púra paff fyrstu ferð hoyrdi ein starvsfelaga siga "Rætt mær binditoyðið"!

Fann tó skjótt útav, at "soleiðis sigur mann bara í Havn", tá ið mann tosar um stokkar. Hvaðan stavar orðið? Og hvussu kann mann venja fólk av við hesa máliskuna?

Endurnýgging ella endurnýggjan

Her er talan um, at sagnorð verða brúkt at gera navnorð við, og her er eingin regla, slær Elin Henriksen púra fast. 

Og so umrøða vit eisini spurning um, tað eitur um eitt skarð og um ein háls, tá ið tað snýr seg um veðurstøðir.