Nólsoyar Páll á Biskupsstøð (3:4)

21-02-2021

Sending í útvarpsrøðini Meg minnist. Jógvan Arge hittir Archibald Black í Klaksvík

Í 1807 fór Nólsoyar Páll við Royndini Fríðu til Keypmannahavnar at hitta umboð fyri kongshúsið. Føroyska senduinevndin noyddust heilt til Kiel at hitta krúnprinsin, sum gav teimum góðar sømdir. Afturkomnir til Keypmannahavnar lupu bretar á og brendu ein fjórðing av býnum.

Nólsoyar Páll fekk loyvi at sigla til Føroya. Árið eftir var hann aftur á ferð. Nú varð Royndin tikin í Kattegat. Páll fekk annað skip og ætlaði sær til Føroya við farmi, men kom ikki leiðina fram.

Brot verður úr samrøðu við Jákup bónda á Biskupsstøð frá 1959. Hann varð føddur í 1867, og hann var kendur kendur sum bátasmiður fyri bæði føroyingar og íslendingar.

Meg minnist

Sendirøðin Meg minnist byrjaði í 2009. Í røðini leggur Jógvan Arge dent á at fáa fólk at siga frá slíkum, sum tey vita og hava upplivað. Sjálvt heitið á sendirøðini er ikki nýtt. Niels Juel Arge brúkti navnið í mong ár til sínar samrøðusendingar, og Jógvan ásannar, at ringt er at finna eitt betri felagsheiti fyri slíkar sendingar.