Miðskeiðis í 50unum fór Jens Mohr til Danmarkar at arbeiða hjá einum felag, sum handlaði alla útgerð til skip. Seinni var hann í Aberdeen og Grimsby hjá heimsins størsta trolarafelag, Boston Deep Sea, sum umboðaði føroysk ísfiskaskip.

Óla Jákup Jensen útvegaði kjansin. Hetta vóru spennandi ár við nógvum sambandi við føroyingar, sum komu niður at selja. Í 1960 var hann aftur í Føroyum.

Hann hevði fyrst við skipini hjá reiðarínum at gera og fór seinni á skrivstovuna. Organiseraði saman við øðrum goymsluna hjá skipasmiðjuni, har alt var at fáa - eins og hjá Sam í gomlum døgum.