Tórshavnar Skipasmiðja keypti eftir kríggið eina flótidokk í Onglandi. Í 1960 varð farið at byggja skip úr stáli, bæði linuskip, ferðamannaskip, farmaskip, nótaskip og størri og smærri trolarar.

Í 1977 varð bedingin víðkað við einum stórum vogni, og skjótt var tann gamli vognurin frá 1898 skiftur út við ein minni nýtíðar bedingsvogn. Jens Mohr arbeiddi har frá 1960 til 2015.

Honum dámdi væl á hesum áhugaverda arbeiðsplássi, sum í heilum tók nýggjar avbjóðingar upp á seg. Mamman, Denna Mohr, úr Hvalba hevði bakarí, tá inntøkan annars var lítil, og hon seymaði eisini dúgliga.