Samgongan atkvøður lógina um sjófeingi úr nevnd

Vinnunevndin hevur sett um 50 spurningar til Fiskimálaráðið um útlendskan ognarskap, antitrust, atlit til øll øki í landinum og nógv meira - og fleiri onnur hava alment reist spurningar seinastu tíðina.

Hóast Vinnunevndin hevur biðid um longri tíð at viðgera umfatandi broytingarnar, hevur nevndin fingið freist til mánadagin at skriva álit. 

Men tað hevur sum so ongan týdning, um nevndin verður liðug við sítt arbeiði, tí samgongan samtykti á fundi í gjár, at atkvøða málið úr nevndini um neyðugt.

Jacob Vestergaard, landsstýrismaður í fiskivinnumálum, sigur í dag, at hann miðar ímóti at svara øllum spurningum, áðrenn freistin hjá nevndini er farin.