Bústaðarpolitikkurin til hoyringar

bannari
02.07.2020 - 19:58
AktueltPolitikkur
Bústaðarpolitikkurin til hoyringar
Bústaðir fær heimild at læna 400 milliónir krónur til at byggja fyri. Men pengarnir eru markaðir, og Bústaðir skal javnsetast við privatu vinnuna

Ósemjan var grundleggjandi, tá ein arbeiðsbólkur handaði landsstýriskvinnuni sína frágreiðing um bústaðarpolitisk átøk, 6. mars. Í dag, smáar fýra mánaðir seinni, roynir Elsebeth Mercedis Gunnleygsdóttir at binda fyri, soleiðis at bústaðarpolitikkurin hjá samgonguni loksins kann gerast veruleiki.

Loysnin er, at Bústaðir fær loyvi at læna 400 milliónir krónur afturat. Men neyvar treytir fylgja við.

200 milliónir skulu brúkast til almannagagnligar verkætlanir - til dømis búfelagsskapir, sambýlir ella lestrarbústaðir.

100 milliónir skulu brúkast til bústaðir, sum skulu byggjast kring landið - har eingin kapping er á bústaðarmarknaðinum

Síðstu 100 milliónirnar sleppur Bústaðir sjálvt at ráða yvir - fyri hesar pengarnar kann Bústaðir byggja íbúðir í Havn, men tá skal avkast-kravið vera størri. Tá skal byggjast "á javnsettum grundarlagi við tað privata".

Eisini ætlar landsstýriskvinnan at bjóða út fimm búfelagsskapir til fólk við serligum tørvi, sum skulu byggjast í alment-privatum samstarvi. Tørvurin er stórur, leiguinntøkurnar tryggar, og tí eiga privatir íleggjarar at hava áhuga at vera við her, heldur landsstýriskvinnan.

 
Er kopiera

Tak niður

Nýggjastu sendingar í ÚV
Fríggjadag 22. oktober
Nón 22. oktober 2021
130273
Fríggjadag 22. oktober
Góðan morgun Føroyar 22.10.2021
130243
Fríggjadag 22. oktober
Breddin
130242
Fríggjadag 22. oktober
Morgunlestur fríggjadagur 22.oktober 2021
130229
Nýggjastu sendingar í SV
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065