Landsstýrismaðurin væntar økta ferðslu

Fyrsta samdøgrið, har bilar hava rindað fyri at brúka Eysturoyartunnilin, hava umleið 3000 bilar koyrt ígjøgnum. Tað er helvtin av tí, sum helst skal koyra ígjøgnum, um tunnilin skal bera seg fíggjarliga. 

Verður ferðslan ikki tann, sum tunnilsfelagið hevur roknað við, fíggjar landið munin millum væntaða ferðslu og veruligu ferðsluna. Landsstýrðsmaðurin í Fíggjarmálum, Jørgen Niclasen, væntar at ferðslan fer at økjast, og í løtuni arbeiðir hann við at broyta ferðastuðilin til tey, sum koyra gjøgnum tunnilin í arbeiðsørindum.