- Tíðindi, mentan og ítróttur
Trump: Størsti heiður í lívinum
Fráfarandi amerikanski forsetin, Donald Trump, helt í gjárkvøldið sína fráfaringarrøðu. Umstríddi forsetin nýtti høvið at takka øllum, sum hava stuðlað sær.
Og so gjørdi hann vart við, at tað hevur verið størsti heiður í lívi hansara at sleppa at vera forseti í USA.
"Eg stríddist fyri teg. Eg stríddist fyri tínari familju. Eg stríddist fyri okkara land. Fram um alt, so stríddist eg fyri tí, sum USA stendur fyri. Tað er eitt trygt, sterkt, errið og frælst land."
Donald Trump tók ikki komandi forsetan, Joe Biden, upp á tungu.
Størsti heiðurin
Trump staðfesti, at tað var størsti heiður í lívi hansara at sleppa at vera forseti í USA.
"Hetta hevur verið ein stórur heiður, tann størsti í lívinum. Hetta eru bestu fólkini í heiminum, besta heimið í heiminum, hetta er okkara heim," segði fráfarandi forsetin.
"Vit elska amerikanska fólkið, og tað hevur verið eitt serstakt tíðarskeið."
"Eg vil bara siga farvæl, men vónandi er hetta ikki eitt endaligt farvæl. Vit síggjast aftur. Stóra takk fyri."